Balay gisunog, mga silingan naangin
CEBU, Philippines — Gidudahang adunay deperensya sa pangisip ang gidakop human pasanginli nga nisunog sa ilang panimaye ug niangin sa balay sa iyang silingan sa Sitio Little Tondo, Ward 3, Minglanilla kagahapon sa hapon.
Ang gidakop nailhan nga si Jenny Paran, hingkod, nga nagpuyo sa maong lugar.
Si Senior Insp. Alvin Torion, fire marshal sa maong lungsod, nibutyag nga nadawat nila ang alarma alas 2:52 sa hapon samtang nakontrolar ang kayo alas 3:45 sa hapon. Matud pa nga nag-away ang dinakpan sa iyang bana nga si Joe Paran hangtud nga nibahad kini nga iyang sunogon ang ilang panimaye.
Asoy pa niya nga nakit-an si Jenny sa iyang mga silingan nga nipagawas na sa ilang mga senina dayun kayo na ang ilang nakita sa panimaye niini.
Dali nga nikatap ang kayo gumikan sa ka uga sa panimaye ingon man sa hangin nga nagbali-bali.
Ginama sa light ug concrete materials ang panimaye sa lugar ug gani ang uban niini tagduha ka andana.
Niabot sa third alarm ang sunog diin gibana-bana ang danyos nga niabot sa usa ka milyon ka pesos gikan sa 20 ka panimaye ang naugdaw samtang usa ang partially burned.
Ang babaye nga nagsunog ang gidakop sa mga silingan dayun gi-turnover ngadto sa kapolisan. (BANAT NEWS)
- Latest
