52-anyos gipusil
CEBU, Philippines — Gipusil sa wa pa mailhing riding-in-tandem ang 52 anyos nga lalaki kinsa nag-inom ra og softdrinks sa gawas sa usa ka tindahan sa Ponce, Barangay Capitol Site kagahapong adlawa.Kritikal pa sa tambalanan ang biktima nga giila nga si Danilo Jarantilla, residente sa maong barangay nga gipusil sa ulo ug liog ang biktima.
Sigun pa ni SPO1 Winston Magdadaro sa Cebu City Police Office Homicide Section ang drayber sa motor nagsul-ob og facemask ug helmet samtang ang nag-angkas nga gunman nagsul-ob lang og kalo. Nakuha ang upat ka kabhang sa kalibre .45 ug usa ka deformed slug sa samang bala. "Kung mahubog kuno ni magmaoy. Daghan kuno ni og nakontra," si Magdadaro miingon. IBM (BANAT NEWS)
- Latest