Bomb squad CCPO pormahon
CEBU, Philippines — Motabang ang Siyudad sa Sugbo sa pagporma og bomb squad sa Cebu City Police Office sunod tuig.
Matud ni Arnel Tancinco, pangulo sa Cebu City Peace and Order Program kon POP nga adunay P15 milyones nga wala pa magamit alang sa pagtukod og bomb squad.
Ang P5 million niini gastuhon aron ipalit og mga ekipo ug ang P10 million gamiton sa pagpalit og duha ka sakyanan alang kanila.
Ubos sa giduso nga P6.29 billion Annual Budget for 2018, ang POP nangayo og P138.9 million.
Isa lang ang bag-ong giduso nga programa nga nagkantidad og P7 million alang sa pagpalit og 1,900 ka fire extinguishers.
Matud ni Tancinco nga ipanghatag kining mga fire extinguishers ngadto sa mga sitio ug mga kapilya sa 80 ka mga barangay nga mapilian sa Bureau of Fire Protection.
Laing mga programa sa POP mao ang P1 million for the rehabilitation of the youth offender center; P5 million for the anti-drug program, P4 million for the drug testing and other activities, P1 million for confidential expenses, P250,000 for Oplan Pakigsandurot, ug uban pa. (BANAT NEWS)
- Latest
- Trending