Nagtambak sa Korean waste ikiha na
CEBU, Philippines - Nibahad ang Mandaue City Legal Office sa daghang kaso nga ipasaka batok sa nalambigit sa pagtambak sa basura nga gikan sa South Korea sa pribadong luna sa Barangay Tingub duol sa Butuanon River.
Matud ni Atty. James Allan Sayson, assistant lawyer sa City Legal Office, nga mangandam na sila sa mga kaso nga atubangon sa hingtungdang kompaniya.
Gibutyag ni Sayson nga duha ka kompaniya ang nalambigit sa pagkarga sa basura paingon sa Sugbo.
Nakig-alayon sab sila sa Philippine Coast Guard aron bantayan ang pagpabalik sa basura ngadto sa South Korea aron maseguro nga dili kini ilabay sa dagat.
Moabot karong adlawa ang barko nga mokuha pagbalik sa basura.
Hayan karong semanaha o sa Lunes sunod semana masang-at na ang kaso, matud ni Sayson. -/GMR (BANAT NEWS)
- Latest