Wa mobayad sa pension house priso

CEBU, Philippines – Nasikop ang usa ka lalaki human giingong wala mobayad sa gi-abangan nga pension house sa Barangay Luray Dos, Siyudad sa Toledo.

Si Orville Ian Justine Blanco, 20-anyos, ang gidala sa Toledo City Police Station sa manager sa pension house nga si Mark Borja, 32, human nadawat ang reklamo.

Matud sa kapolisan nga kapin sa buwan na’ng nagpuyo si Blanco sa pension house ug giingong nisuway kini og sibat apan nadakpan sa manager.

Adunay bayranan ang suspek nga mokabat sa P35 mil.

Gikostudiya sa kapolisan ang suspek kinsa gikatakda’ng mag-atubang og kasong estafa. – /GMR) (BANAT NEWS)