Demolisyon sa T. Padilla wa nadayon

CEBU, Philippines – Wala nahinayon ang pagguba kagahapon sa kabalayan sa T. Padilla, Dakbayan sa Sugbo nga nahimutang atbang sa barangay hall.

Kini tungod kay wala na kaabot sa sakto nga oras diin kinahanglan nga magsugod og guba sa alas 8 sa buntag.

Matud ni Division for the Welfare of the Urban Poor, Atty. Collin Rosell, iya’ng gipangitaan ang sheriff sa kopya sa gilapdon sa luna nga apektado nga gipanag-iya ni Virginia Villa.

Sa pagduaw sa Banat News naabtan nga nagbutang og marka sa 29 ka panimalay ang sheriff.

Gikwestyon ni Rosell kung kinsa ang nag-hire sa mga manggubaay tungod kay may moapil unta nga mga minor de edad ug wala’y klaro nga mga identification cards.

Gipahimangnoan ni Rosell ang sheriff nga kung idayon ang pagpangguba, kinahanglang seguraduhon nga dili mangatulog sa karsada ang mga biktima.

Kini gumikan kay wala pa naandam ang kabalhinan sa Santa Ana, Barangay Pit-os. – /GMR) (BANAT NEWS)