Balay sa prinsipal nasunog

CEBU, Philippines - Gialarma sa Bureau of Fire Protection (BFP) Toledo ang niigong sunog sa usa ka panimalay nga  giingong gipanag-iya sa usa ka prinsipal sa usa ka public school diha  sa Brgy. Luray Dos dakbayan sa Toledo sa miaging adlaw.

Ang maong panimalay gipanag-iya sa usa ka Marimar Blanco, prinsipal sa Matab-ang Elementary School.

Usa ka Willy Antopina ang nitawag sa kabomberohan may labot sa nahitabong sunog.

Sa imbestigasyon nila ni Senior Fire Officer 3 Julius Dagatan ug SFO3 Silvestre Tiro Jr sa BFP Toledo, wala si Blanco sa panimalay dihang niulbo ang sunog.

 Nasayran nga  giingong gikan sa luyo nga bahin sa panimalay nagsugod ang kayo. Wala hinuon hingpit naugdaw ang balay kay ginama kini sa kongkreto nga materyales apan  nagbilin kini og P100 mil nga danyos.

Padayon pang gisuta ang  hinungdan  sa maong sunog.  (BANAT NEWS)