Regulatory body sa quarry tukuron

CEBU, Philippines - Nagtinguha ang kagamhanan sa lalawigan sa Sugbo sa pagtukod og regulatory body nga motutok sa quarry operations sa Sapandaku River sa Magdugo, dakbayan sa Toledo.

Ang mga quarry operators nangreklamo tinguha’ng pagpahunong sa quarry operations sa lugar aron ma-rehabilitate ang sapa.

Niadto’ng Lunes, usa ka consultative meeting ang gipatawag sa Kapitolyo sa mga quarry operators tumong sa paghan-ay og mga pamaagi nga ma-regulate ang quarry operation sa lugar.

Matud ni Bokal Grecilda Sanchez, usa sa nihingusog nga ma-regulate ang quarry operations, nga kung wala’y balaud nga mag-regulate sa quarry operation sa Sapangdaku mahitabo usab ang kurapsiyon.

Ang hunta probinsiyal nimando sa Provincial Environment and Natural Resources Office (PENRO) sa pagpahunong og isyu og delivery receipt apan matud ni Sanchez nga dunay mga operators nga gibalik-balik og gamit ang mga daan nga DRs.

Gipasabot ni Sanchez nga ang guidelines ubos sa regulatory board ug ordinansa sa lokal nga kagamhanan ang basehan sa pagpanakop. (BANAT NEWS)