Farm to market road ihatag sa PRDP sa Northern Cebu

CEBU, Philippines - Duha ka lungsod ug usa ka siyudad  sa amihanang bahin sa Sugbo, makaangkon sa Farm to Market road project sa Philippine  Rural Development Program (PRDP).

Mao kini ang gipahibaw ni Estella Rodriguez, provincial project management officer sa PRDP. Matud ni Rodriguez nga gimando sa Department of Agriculture kanila nga tagaan og prayoridad ang mga naigo sa bagyong Yolanda.

Ang San Remegio, Daanbantayan ug Bogo City ang nakitaan sa PRDP nga adunay dakong potensiyal nga makahatag sa mga produkto sa merkado mao nga giuna nila kini sa PRDP.

Gibana-bana sa kapin P189 milyones ang magasto sa farm to market road project lakip na ang water supply project sa Alegria. (Jhyn Sabagkit, NSU Intern/EIM)(BANAT NEWS)