13 anyos gilugos sa sikad drayber
CEBU, Philippines – Nadangat sa women's desk sa Toledo City Police Station ang usa ka menor de edad kinsa giingo’ng giamong-amongan sa usa ka traysikad drayber niadtong nakalabay’ng adlaw.
Ang biktima nagpangedaron og 13-anyos kinsa nagkahugaw na ang sinena diha’ng nisumbong sa kapolisan.
Matud sa bata nga gidala siya sa traysikad drayber sa kalibunan ug didto giamong-amongan ug gibiyaan ra human sa hitabo.
Dali nga ni-report ang bata human sa hitabo ug nakamay-ong pa sa dagway sa gitumbok nga niamong-among kaniya.
Nailhan lang sa ngan nga Baydor ang suspek nga gibana-bana nga 37-anyos kinsa nasikop atol sa follow-up operation sa kapolisan.
Positibo nga giila sa bata’ng babaye ang suspek kinsa gitanggong na sa Toledo City Police Station.
Ang bata gikatakda’ng dad-on sa pink room sa Vicente Sotto Memorial Medical Center alang sa dugang medical examination sa pagsuta kun nahilabtan kini. Ipailawom usab sa counseling sa City Social Welfare and Development (CSWD) ang bata. – /GMR) (BANAT NEWS)
- Latest
