Nag-hire sa abogado sa “sexy shoplifter” gisusi
CEBU, Philippines – Gisusi karon ni Bise Gob. Agnes Magpale kung kinsa ang nag-hire kang Atty. Rene Abcede isip abogado sa maanyag nga dalagita nga nalambigit sa mga kontrobersiya nganhi sa Sugbo.
Sa milabay’ng semana ang dalagita gibalhin ngadto sa usa ka pasilidad sa lungsod sa Sogod, Southern Leyte nga accredited sa Department of Social Welfare and Development (DSWD).
Ang maong pagbalhin gikwestiyon ni Abcede nga unta nakabutang na sila og piyansa ug naa na’y order ang korte nga ma-release ang dalagita.
Apan buot ni Magpale nga mobutyag kanila si Abcede kung kinsa ang nag-hire kaniya aron makahibawo sila kung kinsa’y tugyanan nila sa dalagita.
“Is he willing to tell us kung kinsa ang nag-hire sa iyang services?” matud ni Magpale.
Matud ni Magpale nga giingo’ng si Abcede nangangkon nga ang dalagita maoy nag-hire kaniya.
Gipasabot ni Magpale nga ang dalagita dili pwede nga makahimo niini tungod kay menor de edad pa hinungdan nga nakahukom sila nga itugyan sa usa ka center o ba kaha sa mga ginikanan. – /GMR) (BANAT NEWS)
- Latest
