Upat ka oso na- overdose sa chocolate
CEBU, Philippines – Ang mga eksperto sa oso didto sa New Hampshire misugyot nga idili na ang paggamit sa tsokolate isip paon human upat ka mga oso ang napalgan nga patay sa usa ka trapping site gumikan sa chocolate overdose.
Ang mga oso nakit-an nga wa nay kinabuhi 50 ka tiil gikan sa nahimutangan sa usa ka hunter diin siya nibutang og 90 ka libras nga mga chocolate ug doughnuts isip paon aron unta madakpan ang mga oso, matud pa sa taho sa The Concord Monitor. Base sa necropsy ug toxicology reports nga gipahigayon didto sa University of New Hampshire, napamatud-an nga ang mga oso nangamatay sa heart failure gumikan sa theobromine, usa ka toxic ingredient nga anaa sa chocolate.
Gumikan niini, si Andrew Timmins, ang bear project leader sa Fish and Game Department, miawhag nga aron malikayan ang susamang hitabo sa umaabot, hayan nga idili na ang mga chocolate kun mosulod sa kalasangan sa maong dapit. Ang posibilidad nga ang mga oso namatay gumikan sa pagkaon og tsokolate nakakuha og atensiyon sa mga tinugyanan niadto pang tuig 2011 apan ni’ng bag-ohay pa lang nila gipatuman ang maong lakang pag-ban sa chocolate kun mag-hunting og maong klase sa hayop. (BANAT NEWS)
- Latest
