Halad sa San Diego dancers sa Papa makita sa CCSC

CEBU, Philippines – Makita sa Cebu City Sports Center karong adlawa ang pagsayaw sa San Diego dancers atubangan sa Santo Papa sa Manila.

Matud ni Cebu City Mayor Michael Rama nga adunay LED screen nga ipahimutang diin makita ang pagsayaw sa mga Sugbuanong dancers isip halad kang Pope      Francis.

Ang San Diego dancers matag tuig nga mosayaw sa Sinulog grand parade. Hinuon kauban sa maong grupo ang mosayaw gihapon sa Sinulog karong adlawa.

Matud pa ni Val Sandiego, ang mosayaw sa Manila mao ang pioneer sa ilang grupo samtang sa Sinulog ang manayaw ang mga bag-o nila nga sakop.  (BANAT NEWS)