Pagbahig sa basura sa Poblacion, Talisay gimando

CEBU, Philippines - Mga opisyal sa Barangay Poblacion, dakbayan sa Talisay miawhag sa mga molupyo sa ilang barangay sa pagbahig sa ilang mga basura gikan sa malata ngadto sa dili malata.

Niadtong Hunyo 27, 2014 ang mga opisyal sa barangay nagpahigayon sa Refreshing Ecological Solid Waste Management (R.A 9003) seminar diha sa Knights of Columbus Hall sa Santa Teresa de Avila Parish sa Barangay Poblacion diin mga 50 ka tawo ang mitambong niini.

Si Edwin Nierves, hepe sa Ecological Solid Waste Management (ESWM) kinsa maoy pinasidunggang dinapit sa seminar nagkanayon nga sa pagtubo sa populasyon magkadaghan usab ang basura.

Kinahanglan nga ang matag panimalay makat-on na pagbahig sa ilang mga basura. Ang barangay giawhag usab ni Nierves sa pagbutang og Material Recovery Facility (MRF).  (BANAT NEWS)