“Mega-shabu 10” gibalhin sa bilibid

CEBU, Philippines - Gibalhin na sa pagbilanggo ngadto sa National Bilibid Prison (NBP) ang napulo ka insular prisoners nga nalambigit sa nabunggo nga  mega-shabu laboratory sa Barangay Umapad, dakbayan sa Mandaue  niadtong Septiyembre 2004.

Ang gibalhin mao ang mga Taiwanese nationals nga sila si Lin Li Ku, Liu Bo, Siew Kin Weng, Tao Fei, Wu Tiao Yi, Bao Xiafu, Liew kam Song ug mga Pilipino national nga mga kauban nga sila si Allan Garcia, Joseph Lopez ug Joseph Yu.

Ang Filipino- Chinese nga si Calvin Tan maoy giila nga mastermind gibulag kini sa pagbilanggo sa Cebu Provincial Detention and Rehabilatition Center (CPDRC) sa barangay Kalunasan, dakbayan sa Sugbo. Si Chief Inspector Gil Inopia Jr. nga maoy jail warden sa Mandaue City Jail miingon nga ang insular prisoners kinahanglan nga mabalhin gilayon ngadto sa Muntinlupa.

Ang DOJ migahin og P130,000 alang sa tiket sa napulo ka binilanggo ug lakip na sa duha ka  jail personnel nga escorts. (BANAT NEWS)