Foreman gipusil-patay atbang sa iyang balay

CEBU, Philippines - Patay ang usa ka foreman sa usa ka construction company human kini gipusil sa duha ka lalaki nga nagsakay og motor pasado alas 6:00 sa miaging gabii sa Nivel Hills, Barangay Busay sa dakbayan sa Sugbo.

Ang biktima naila nga si Rufo Dulat, 33, molupyo sa Nivel Hills sa Barangay Apas nakaangkon og samad pinusilan sa buko-buko, wala ug tuo nga kamot, ug sa walang bahin sa iyang lawas ug gisuwayan pa pagdala sa Perpetual Soccour Hospital apan nakabsan kini sa kinabuhi.

Base sa imbestigasyon sa Homicide Section sa Cebu City Police Office, duha ka mga lalaking sakay og motorsiklo atubangan mismo sa ilang balay.

Sumala pa sa asawa sa biktima ngadto sa mga imbestigsador nga bag-o pa lang gyud naabot  iyang bana gikan sa trabaho dihang niabot ang mga mamumuno nga sakay og motorsiklo nga may plate number 3927 IP ug diretsong mipaulan og bala kaniya.

Human niini daling mipabulhot sa ilang motor ang mga mamumuno padulong sa ibabaw nga bahin sa barangay Busay ug wa na igkita pa. Nakarekober ang kapolisan og upat ka kabhang sa kalibre .45 ug duha ka slugs sa maong bala didto sa crime scene. Gisusi pa kung unsay motibo sa maong pagpatay. (BANAT NEWS)