PCAC mopakusog sa operasyon batok sa kaso sa illegal drugs

CEBU, Philippines - Ang bag-ong chairman sa Police Coordinating and Advisory Council (PCAC) nagplanong pahingusgan ang ilang operasyon batok sa  mga  kaso sa gidiling  drugas  sa syudad sa Sugbo.

Matud ni Bise Mayor Edgardo Labella nga matuman lamang kini kun ma-amendahan na ang ilang ordinansa ug  nga mahimo   na  nga miyembro sa PCAC ang  Department of Social Welfare and Services (DSWS) ug   mga  prosecutor  sa syudad. Ang maong plano gihisgotan sa mga sakop sa PCAC kagahapon sa buntag.

Matud ni Labella nga  mohangyo siya ni Konsehal Richard Osmeña, pangulo sa committee on public order and safety sa konseho o ni Konsehal Hanz Abella  nga maoy mo-file sa amendamento sa ordinansa.

Matud ni Labella nga kinahanglang makigtambayayong ang syudad sa DSWS, police ug city prosecutor aron masanta ang pagkaylap  sa gidiling  drugas.

Sa samang  higayon  gipadayag  usab  ni   Labella nga angay  sa mga police nga mopirma  og  apidabit sa  panahon  nga  dili  sila makatambong sa unsa mang hearing nga may  labot  sa kaso  sa  gidiling  drugas. (BANAT NEWS)