Mga Pinoy giawhag pag-adjust sa mga relo subay sa Phl Standard Time
CEBU, Philippines - Giawhag karon sa Department of Science and Technology (DOST) ang mga Filipino nga i-reset ang ilang mga relo sa Philippine Standard Time karong pagsulod na sa tuig 2014.
Tumong sa DOST nga mawagtang na ang nabatasan na sa mga Filipino nga “Filipino time†o ang pamatasan nga masige og ka-late sa mga lakaw o mga schedules.
Ang DOST milusad karon sa ilang kampanya nga “Juan Time: Pinoy Ako, On-time ako!†Ang New Philippine Standard Time Act of 2013 nagmando nga kinahanglang tumanon sa tanang mga Filipino ang National Time Consciousness Week nga karong adlawa opisyal nga sugdan January 1, 2014.
Matud pa sa pamahayag sa DOST nga ang Bag-ong Tuig maoy labing maayong panahon aron i-adjust o i-reset sa mga Filipino ang ilang mga relo.
Naandan na sa gitawag nga “Filipino time†ang pagsige og ka-late og 30-minutos ngadto sa usa ka oras una pa makasugod sa mga opisyal nga mga kalihokan sama sa mga meetings, events ug bisan na gani ang mga importanteng appointments. Mismong ang mga organizers sa maong mga kalihokan, mga guest ug partisipante naanad na lang sa ma-late sa kasabotan tungod kay nahimo nang batasan sa mga Filipino. (BANAT NEWS)
- Latest
