41 paketeng shabu nasakmit

CEBU, Philippines - Nasakmit sa mga sakop sa City Anti Illegal Drugs Special Operations Task Group (CAIDSOTG) ang mga pinutos sa gituohang shabu atol sa ilang gipahigayong buybust operation pasado alas-12 sa tungang gabii diha sa barangay Ermita ning siyudad.

Ang nasikop nailhan nga si Ronald Lucero, 33, molupyo sa Ermita Proper diin gihulagway kini nga street pusher. Usa ka paketeng gituohang shabu nga mobalor og 200 pesos.

Gawas sa gipalit nga pakete sa gituohang shabu narekober usab sa kapolisan ang laing 40 ka mga pakete sa gituohang shabu nga tag 200 ang usa.

Si Lucero nga gipangutana, mipadayag kini nga tungod lang sa kalisod hinungdan nga iyang nahimo ang pagpamaligya ug wala usab siya’y makit-ang trabaho. (BANAT NEWS)