P1M alang sa senior citizen nga moabot og 100-anyos
CEBU, Philippines - Gisugyot ni Konsehal Gerardo “Gerry†Carillo nga hatagan og P1 milyon sa kagamhanan sa dakbayan sa Sugbo ang lumulopyo sa Cebu City nga moabot na og 100 ang pangidaron.
Ang sugyot ni Carillo wala hinuon dayon uyoni sa iyang mga kaubang konsehal kay matud pa nagnihit gani karong mga panahona ang kwarta sa dakbayan sa Sugbo ug pun-an pa sa mao nga dakung gasto.
Pagkakaron ang dakbayan adunay ordinansa nga kadtong mga lumulopyo sa dakbayan nga aduna gyuy mga credentials nga sila taga dakbayan hatagan og P100,000.
Ang ubang mga konsehal gidak-an ra sa maong kantidad nga usa ka milyon ka pesos. Sa miaging tuig, adunay mga napulo ka centenarians nga napasidunggan ug gihatagan og tag P100,000 matag usa.
Si Carillo mipasabot nga ang iyang pagsugyot og dako nga kantidad gitumong aron pagdasig sa mga anak o apo sa tiguwang nga alimahon nila ang ilang Lolo ug Lola kay kun kini moabot og 100 ang edad, susama ra sila nga magantihan sa ilang kahago. (BANAT NEWS)
- Latest
