Edad dili babag aron maka-serbisyo — Cabahug
CEBU, Philippines - Bisan pa sa iyang kabatan-on, nangangkon ang labing batang kandidato sa pagkamayor sa siyudad sa Lapulapu nga si Carina “Kwin†Cabahug nga hingkod na ang iyang salabotan aron mamahimong mayor.
Si Cabahug nga nag-edad pa og 21-anyos ug independente sa pakighinabi sa Banat News miingon nga dili babag ang iyang pangidaron sa pagserbisyo sa katawhan sa dakbayan sa Lapulapu alang sa kalambuan niini.Matud niya, iyang padayonon ang mga nasugdan sa mga nangaging administrasyon.
Numero uno niyang buot nga palambuon mao ang drainage system sa dakbayan ug ang dugang sugang dagitabnon sa mga dapit nga mangitngit.Dugang pa niya, gagmay kini nga suliran apan dako og epekto sa mga Oponganons.
Sumala pa niya, kung siya hatagan og kahigayonan nga makaserbisyo, mao kini ang unahon niyang sulbaron. (BANAT NEWS)
- Latest
