CEBU, Philippines - Ang Department of Agricutlure (DA) 7 ug Agricultural Training Institute (ATI) sa rehiyon 7 midasig sa mga mag-uuma sa lalawigan sa Siquijor pagpananom og Kolo o “breadfruit†isip hulip nga pagkaon sa bugas aron mouswag ang “food staple sufficiency level†sa maong isla.
Si Regional Executive Director Angel Enriquez nagkanayon nga ang kolo usa ka kahoy nga lumad sa Siquijor kansang bunga gihimong pagkaon sa mga Siquihodnon nga susama’g bili sa bugas humay sukad pa sa ilang mga katigulangan.
Matud niya nindot kaayo og tubo ang mga punoan sa kolo didto sa maong isla nga makaplagan sa tanang kalungsoran sa maong lalawigan base sa imbentaryo nga gihimo sa provincial Agricultural Technology Coordinating Office (PATCO) ug sa lokal nga buhatan sa agrikultura sa maong lugar.
Busa kusganong giawhag sa departamento sa panguma ang mga molupyo sa maong lalawigan nga mananom og kolo aron malikayan ang kagutom ug makahatag og dugang lahutay nga seguridad sa pagkaon.
Gawas pa, ang pagpananom sa maong kahoy makatabang usab aron mamenosan ang epekto sa climate change kon pagkausab sa klima sa panahon ug makahatag dugang kapaninguhaan sa mga mag-uuma sa maong dapit. (BANAT NEWS)