3 ka sentro sa BOSS gitukod sa Mandaue

CEBU, Philippines - Gipaspasan sa  kagamhanan  sa  dakbayan sa Mandaue ang   paghikay  sa  renewal sa mga business permit sa mga   negosyante  sa maong  dakbayan.

Kini  pinaagi  sa   pagbukas og Business One Stop Shop (BOSS) sa tulo ka mga piniling dapit   nga  maoy adtoan  sa  mga magpapatigayon  kinsa magpa-renew  sa  ilang  business  permit.

Si Regal Oliva , nga maoy  city treasurer sa dakbayan sa  Mandaue nga nahinabi sa mga tigbalita kagahapon miila  sa maong  mga  lugar  nga maoy  paadtoan sa  mga manlukatay  og business permit  nga  mao  ang  J.  Centre Mall sa dalan A.S. Fortuna sa barangay Bakilid , Insular Square sa   dalan J.P. Rizal  sa barangay  Basak, ug  sa Mandaue City Hall.

Matud pa niya nga sa J Centre Mall  karon  pang Lunes Enero 8 magsugod  sa pagpangluwat  og  renewal  sa business  permit  application   ug kutob  ra  sa Enero  15 ang deadline  sa pagsilbi  niini  sa  mga  aplikante .

Samtang  sa  Insular  Square, sugdan  nila ang  pagsilbi  sa  mga aplikante  sa  Enero 14 , kutob  sa Enero 20  ug  sa  city  hall, nagsugod  sila  pagdawat  sa aplikasyon  niadtong Enero 2   ug  magpadayon  kini  hangtud  sa  Enero 20 .

Si Oliva miingon nga lapas sa ilang gihatag nga deadline mopahamtang   na  sila og  multa nga 32 porsiyento   dugang  sa  kantidad sa bayranan sa aplikante

Gitataw  niya nga ubos ning  maong  sistema  gipaniguro  nila nga  masilbihan  gayud   ang  tanang  mga negosyante   sa bag-o  nilang business permit  alang sa tuig 2013.

Ang tanan  nasayud  nga ang  negosyante  nga walay business permit  silotan sa balaod  pinaagi  sa pagpasira  sa  iyang  negosyo. (Romeo  T.  Limpangog/WC) (BANAT NEWS)