CEBU, Philippines - Dose ka banyerang mga pinabuthang isda ang nasakmit sa sakop sa Cebu City Bantay Dagat Task Force kagahapon sa kaadlawon diha sa Pier 6 nga gikarga sa usa ka canter mini-truck nga gikan sa Daanbantayan. Si Ranulfo Sebusa ang special operations officer director sa Cebu City Bantay Dagat Commission mibutyag nga nakadawat sila og taho kalabot sa nagsingabot nga banyera sa isda nga naggikan sa nahisgutang lugar ug dad-on sa Palawan.
Ang gisakyan sa maong isda nga usa ka mini-truck gimaneho ni Rodulfo Lopez nga maoy gikargahan sa usa ka gatos ka mga banyera apan dose lang niini ang nagpositibo nga gipabuthan og dinamita. (BANAT NEWS)