CEBU, Philippines - Usa ka 32-anyos nga lalaking gituohang naguol nga gibuwagan sa kapuyo ang napalgang nagbitay na gikan sa kisame sa ilang balay human motambong sa birthday party sa maguwang diha sa barangay Panadtaran sa lungsod sa San Fernando niadtong Domingo sa alas 9:00 sa gabii.
Ang gituohang nagpakamatay mao si Johnny Generans, 32, kinsa sumala pang PO1 Edhar Enclunar sa San Fernando Police Station base sa ilang imbestigasyon bag-ohay lang gibuwagan sa kapuyo.
Sumala pa niini mitambong pa kini sa party sa maguwang ug nakig-inom ug diin misulti kining buot niining maghikog apan wala panumbalinga sa mga kainom sa pagtuong komedya ra kini.
Apan gitinuod diay niya kini. (BANAT NEWS)