Nanghulga giunhan patay

CEBU, Philippines - Pagdumot ang nakitang motibo sa pagpusil patay sa usa ka lalaki sa Purok Thunder sa barangay Babag dakbayan sa Lapulapu sa milabay’ng gabii.

Ang biktima mao si Joland Juarez, 32, residente sa maong dapit kinsa nakaangkon og samad pinusilan sa dughan human gikatahong gipusil ni Jack Berdin nga residente usab sa maong dapit.

Sa imbestigasyon sa kapolisan giingong dunay pagdumot si Berdin ngadto sa biktima tungod sa pagbahad sa naulahi ngadto sa suspek, wala hinuon mibutyag ang mga polis kung unsay sinugdanan sa dumot sa duha.

Sumala pa nga usa ka babaye ang mibaligya kang Berdin og armas aron iyang ipanalipod sa iyang kaugalingon tungod sa maong bahad. Matud pa dihang naatol nga miagi ang biktima gikatahong kalit nga gipusil sa suspek nga walay daghang pangutana. Si Berdin daling gidala sa tambalanan apan gideklarar kining patay na.

Ang suspek malinawon hinuon mitahan sa iyang kaugalingon ngadto sa mga polis ug gikatakdang pasakaan og kaso. (Bong Soriano ug Romeo Limpangog/EIM) (BANAT)