^

Lady Gaga

- Ni Marlon Bellita () - May 21, 2012 - 12:00am

Ngalan: Stefani Joanne Angelina Germanotta

Ngalan sa bantawan: Lady Gaga

Natawhan: March 28, 1986

Lugar: Siyudad sa New York

Propesyon: Maghuhuni ug Mag-aawit

Naukay ang mga relihiyosong grupo sa konsiyerto sa kontrobersiyal nga singer Lady Gaga nga himoon karong adlawa ug ugma sa bag-ong SM Arena sa Siyudad sa Pasay.

Nitiyabaw ang mga Obispo sa ubang relihiyon tungod sa alang nila tataw nga pagpanamastamas ug pagbugalbugal sa mga mensahi sa kanta sa mag-aawit batok sa mga Kristiyano. Ang kantang “Judas” gihulagway sa mga nagprotesta nga pagyubit ug yagayaga direkta ni Hesukristo diin ang liriko ug ang music video nagpakita sa usa ka lalaki nga dunay porong sa tunok sa ulo ug may angkas nga babaye nga daw si Magdalena uban sa mga maisip nga disipolo luwan og mga dagko nga motorsiklo.

Ang hilas ug mahagiton nga panamit ni Lady Gaga sa iyang mga music video gihulagway nga peligrong impluwensiya sa mga kabataan.

Nahinumdom ko makausa sa nag-alagad pa ko sa estasyon dyRF diin ang inilang magsusulat nga si Rey Borres mihangyo nako pagtagik og awit sa iyang sinulat nga gititolohan og “Kumusta ka Satanas”. Usa ka aksiyon drama sa radyo diin ang bida sa katapusan sa sugilanon sa iyang pagpakigbisog ug panimalos mangomusta sa iyang mortal nga kaaway sa dili pa niya tapuson ang kinabuhi sa pag-ingon “Kumusta ka Satanas”.

Akong higala nga napagngan sa kahayag nga si Oscar Pagas maoy mikanta sa akong komposisyon nga nahimong kontrobersiyal sa among mga tigpaminawan tungod sa matud pa dili maayong epekto ngadto sa mga bata.

Matud pa sa mga ginikanan nga nangreklamo inay ang mga bata inigmata sa buntag moingon og “maayong buntag Ma o maayong buntag Pa” magsegi naman hinoon og kanta “kumusta ka Satanas” (Toink!/Aguy!)   

Nahisgotan ang maong isyu sa sikat niadto nga programang “Kwentas Klaras” ni Leo Lastimosa ug Edgar Gutierrez sa samang estasyon.

Ang punto nako mao dili sayop si binsa kinsa o grupo nga mopadayag og pagsupak o protesta sa mga butang, buhat o pulong nga alang nila dili makiangayon. Apan dili sab siguro makiangayon ang pagpugong sa usa ka kalihokan nga igo lang nakalapas sa pagtuo ug kabubut-on sa indibidwal o kahugpongan.

Alang nako anha masukod ang kaepektibo sa pagtulon-an sa usa ka kahugpongan relihiyon man o kongregasyon o ang pagtudlo ug pag-amuma sa mga ginikanan kun nituhop ba ang ilang giya ug pagtulon-an kay sa mga kwestiyonable nga mga kalihokan.

Kun instrumento man si Lady Gaga sa kangitngit nan atong ipakita nga dinhi sa atong nasud ang kahayag maoy naghari. Kana kun labaw ang impluwensiya sa mga magtutudlo sa pagtuo ikompara sa kanta ug gimik sa paglingaw ni Lady Gaga.

Ug kun domugon ug tapok-an man ang iyang konsiyerto angay sigurong magpasalamat ang mga misupak kay anha nila masukod ug matugkad nga kuwang pa ang ilang pulong ug paagi sa pagtudlo og paggiya sa katarong.

Mano: Ngita tag CD day na motan-aw ko ha sa konsiyerto ni Lady Gaga.

Mana: Gahilashilas ka lang tiguwang ka na oy kini na lay tan-awa.

Mano: Unsa man ni?

Mana: Lady Chop-chop!(Toink!/Aguy!) Hehehehehehehehehe

(emailad;jomar_bellita@yahoo.com.)

AGUY EDGAR GUTIERREZ KUMUSTA KWENTAS KLARAS LADY LADY CHOP LADY GAGA LEO LASTIMOSA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with