CEBU, Philippines - Ang Civil Service Commission (CSC) 7 mopahigayon og duha ka adlaw nga pagbansay-bansay sa tema nga Capability Enhancement Program Personnel Selection (CEPPSPP) karong umaabot nga Mayo 15 hangtud Mayo 16 ning tuiga adto sa ilang Multi-purpose building sa sitio Sudlon, barangay Lahug, syudad sa Sugbo.
Gipaabot nga tambongan kini sa mga dagkong opisyal, mga executive, mga department manager, mga division chief, mga administrative officer ug mga miyembro sa Personnel Selection Board (PSB).Kining maong programa giorganisar sa CSC sa tumong nga mahitso ang mga manambong sa igong kahibalo ug kaalam sa mga lintunganay nga mga pamaagi sa pagpili og mga kawani nga pasudlon og trabaho.
Masayran nila pinaagi sa maong training ang ilang mga tahas, gimbuhaton ug responsibilidad isip miyembro sa Personnel Selection Board (PSB) o isip empleyado nga sakop sa personnel management. BANAT NEWS