Impeachment trial kinahanglang patas -Villar

CEBU, Philippines - Gipasabot ni Senador Manuel Villar nga patas gyud ang pagtagad nga ilang gihatag kabahin sa nagpadayong impeachment trial batok ni Chief Justice Renato Corona.

Si Villar kinsa usa sa mga senator judges ug walay palta sa pagtambong miklarong maong wala kaayo siya magpangutana atol sa husay kini tungod kay buot niyang paminawon ang duha ka habig. Sumala pa niya mahinungdanon alang kaniya nga madungog ang duha ka habig una pa kung gikinahanglan mangutana dili sa parehas sa nahitabo karon nga ang prosekusyon palang ang mitingog daghan nang mga konklusyon ang uban.

Niadtong si Villar pa ang presidente sa Senado siya mihukom nga ipa-impeach niya si kanhi Presidente Joseph Estrada. Ang paghimo og desisyon sa pagpa-impeach sa presidente sa nasud maoy labing lisud tungod kay kinahanglang huna-hunaon una kini sa makadaghang higayon matud sa Senador.

Sa laing bahin, si Villar kinsa last termer na sa Senado karon nagkanayon nga inig kahuman sa iyang termino iyang tutukan ang mga adbokasiya pagtabang sa mga Overseas Filipino Worker (OFW), livelihood ug uban pa. (BANATNEWS)