Lahugay sa LCPO gipatuman

CEBU, Philippines - Adunay gihimong lahugay sa mga opisyal sa kapolisan sa dakbayan sa Lapulapu sugod kagahapon.

Nasayran sa Banat News nga si Sr. Insp. Jacinto Mandal nga gikan sa Special Weapons and Tactics(SWAT) team mao nay bag-ong hepe sa Traffic Division, samtang si Chief Insp. Conrado Manatad gikan sa Station 5 mao nay bag-ong Station 2. Si Sr. Insp. William Homoc gikan sa Theft and Robbery Section maoy gihulip kang Manatad samtang si Insp. Gerald Soquib gikan sa Station 2 maoy gihulip kang Homoc.

Si Sr. Insp. Winston Penaranda ug Mandal nagbayloay ra og pwesto.

Matud pa ni Lapulapu City Police Office Deputy Director for Administration Supt. Loreto Delilis usa lamang kini ka routine revamp aron masuhito sila sa tanang gimbuhaton sa kapolisan.

Samtang si Lapulapu City Police Office Director Sr. Supt. Anthony Obenza naghuwat pa sa kamandoan gikan sa ilang labaw kung siya pahulipan sa iyang katungdanan.

Si Mayor Paz Radaza miklarong wala siya mohangyong pailisan si Obenza ug wala sad siya mohatag og komento sa gihugonang si Sr. Supt. Rey Lyndon Lawas maoy ihulip ni Obenza. (BANATNEWS)