CEBU, Philippines - Nanumpa kagahapon sa buntag ang 232 nga mga bag-ong police recruits sa Philippine National Police (PNP) diha sa Police Regional Office-7 diin nanamilit usab sa ilang mga mahal sa kinabuhi alang sa paglarga nila padulong sa training center sa lungsod sa Balamban. Ang mipapanumpa kanila mao si PRO7 Regional Director Chief Supt. Marcelo Garbo Jr. kinsa mipahimangnong kinahanglang ipabilin nila ang “high standard of morality,” propersyonalismo ug buhaton ang mandatong gisangon kanila kutob sa ilang katakos.
Si Sr. Supt. Petronelli Baldebrin hepe sa Regional Human Resource Development Division(RPHRDD) mibutyag nga 405 ka aplikante ang mi-apply apan 232 ra ang nakapasar nga gilangkoban sa 197 mga lalaki ug 35 ka babaye. (BANATNEWS)