CEBU, Philippines - Gipangandaman sa buhatan ni Gobernador Gwendolyn Garcia ug sa kaubang Non Government Organization (NGO)ang world class documentation alang sa USA KA LITRONG KAHAYAG PROJECT.
Si Ylac Diaz sa My Shelter Foundation nagtinguha nga mamahimong naa sa taas nga matang sa kalibotan pagkuha og mga larawan sa maong kalihukan aron mapakita kini sa kabataan sa nagkalain-laing bahin sa nasud.
Sa iyang bahin, si Gobernador Garcia nagtinguha nga makaabot ngadto sa kalungsoran ilabi na gayud sa kabataan sa lalawigan sa Sugbo ang ka-importante sa maong proyekto ug masayran usab nila ang kamahinungdanon sa paggamit sa kahayag sa adlaw ug sa mga botelyang plastic nga makatabang sa pagpaubos sa konsumo sa elektrisidad.
Ang pagpanaod sa unang Solar Bottle Bulbs pangulohan ni Gobernador Garcia sa dakbayan sa Mandaue karong sunod buwan.
Mao kini ang tagsa ka litrong basiyong plastic sa soft drink nga sudlan og usa ka litrong tubig uban sa duha ka kutsarang chlorine ug mohatag na og kahayag sa sulod balay sa panahon sa ting-init. (BANAT NEWS)