DENR mopasaka'g reklamo vs 4th Engineering District

- Lesley Caminade-Vestil () - November 19, 2011 - 12:00am

CEBU, Philippines - Kasong administratiba ug kriminal maoy giplanuhang ipasaka batok sa 4th Engineering District nga gipanguluhan ni Engr. Fernando Cruz tungod sa pasangil nga pagpamutol niini og kahoy nga dili angayan nga putlon sa lungsod sa Badian.

Ang Department of Natural Resources (DENR) naplano karun nga pasakaan og kaso si Cruz kini human nila makita nga nakalapas kini sa Presidential Decree No. 953.

Sa pakighinabi sa Banat News ni Juanito Pua, chief sa Forest Resources Conservation Division mibutyag kini nga mipahigayon sila karon og pakisusi kun pila gyud ka punoan sa kahoy ang naputol sa DPWH.

Matud pa ni Pua nga nakadawat sila og impormasyon nga ang 4th engineering district mipahigayon og clearing operation daplin sa karsada ug gipamutol nila ang mga kahoy.

Sa diha nga ila kini nga nadawat nga impormasyon ila gilayon nga gimandoan ang ilang buhatan duol sa DPWH 4th engineering district aron badlungon ang maong operasyon sa upat ka mga barangay diha sa lungsod sa Badian.

Mipasabot si Pua nga wala sila manghilabot sa trabaho sa DPWH apan kung ang mga kahoy nga gipamutol dili peligro sa publiko dili kini angayang pamutlon.

“When it comes of cutting of trees amo gyud sila nga buyagon kay amo mana nga responsibilidad labi na kun dili siya dangerous unless it’s dangerous nga kinahanglan gyud nga putlon,” matud pa ni Pua.

Midugang usab si Pua nga ang DPWH sa nahisgutang distrito wala mokuha og clearance gikan sa Community Environment and Natural Resources Office (CENRO) ug wala kini inspeksyon ug rekomendasyon sa nahisgutang buhatan.

Tungod niini gimandoan ni Pua ang head sa CENRO-Argao Elpidio Palaca nga ipahunong na ang gihimo sa taga DPWH. Apan ang hepe sa Forest Management Services, CENRO-Argao nga si Flordeliza Geroza mibutyag sa Banat News nga nakadawat sila og Request for Cutting Trees gikan ni Cruz niadtong buwan sa Hulyo 15 ning tuiga.

Tuod man mipahigayon sila niini og inisyal nga inventory ug inspeksyon sa lugar kun asa nga mga kahoy ang giingong pamutlon. Ang mga daplin sa dalan gitamnan kaniadto og mga kahoy nga Dita, Mahogany, Angilan ug Magtalisay.

Ang 4th Engineering District maoy dunay hurisdiksyon sa 15 ka mga lungsod maong gimando ni Gov. Gwendolyn Garcia nga ipasusi kung asa pang dapita ang gipamutlan og kahoy. (BANATNEWS)  

ANG DEPARTMENT OF NATURAL RESOURCES ARGAO ELPIDIO PALACA BANAT NEWS COMMUNITY ENVIRONMENT AND NATURAL RESOURCES OFFICE CRUZ CUTTING TREES ENGINEERING DISTRICT FERNANDO CRUZ FLORDELIZA GEROZA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with