CEBU, Philippines - Ang Cebu Provincial Police Office mipaubos sa tanang mga hepe sa kapolisan sa kalungsoran ug mga siyudad sa lalawigan sa Sugbo sa usa ka Criminal Investigation Management Seminar and Workshop didto sa Kapitolyo sa miaging adlaw.
Kini sa tinguha nga madugangan ang kahibalo sa kapolisan sa pag-imbistigar ug paghipos sa mga ebidensiya sa mga dagkong krimen nga motumaw sa ilang tagsatagsa ka mga area of jurisdiction.
Sumala pa ni Sr. Supt. Patrocinio A. Comendador, ang director sa Cebu Provincial Police Office nga ang maong seminar and workshop makahatag og dugang kalig-on sa ilang mga gi-imbistigar nga kaso sa matag lugar.
Gitug-an usab ni Comendador nga human sa nahisgutang seminar iyang gimando ngadto sa mga hepe sa matag police station sa pagtutok sa cybersex nga mga kaso sa matag lugar.
Gitataw usab ni Comendaor nga sa higayon nga ipatawag siya sa mga sakop sa hunta probinsiyal labot sa mga lakang sa kapolisan sa pagsanta sa mikuyanap nga cybersex, may ikahatag na siyang konkretong report kalabot sa nahisgutang problema. (BANAT NEWS)