CEBU, Philippines - Usa ka tawong gisuspetsahang mipatay sa iyang kapuyo, nadakpan sa kapolisan sa Cordova sa miaging adlaw.
Siya si Daniel Minguito , alyas Ontong, hingkod, kinsa hidakpan sa mga otoridad didto sa iyang balay sa barangay Bangbang, lungsod sa Cordova.
Si PO2 Alex Noron sa kapolisan sa maong lungsod nga nahinabi sa Banat News miingon nga si Minguito kinsa suspetsado sa pagpatay sa iyang kapuyo tulo na ka bulan ang nakalabay gipasakaan nila og kasong murder.
Giluwatan sa korte og warrant of arrest nga maoy ilang gibasehan sa pagdakop niini.
Ang suspetado kinsa sa pagkakaron nagtingkagol sa prisohan sa kapolisan sa Cordova, walay piyansa nga girekomendar sa korte alang sa temporaryo niyang kagawasan. (BANAT NEWS)