CEBU, Philippines - Dead on Arrival (DOA) nang niabot sa tambalanan ang usa ka mananagat kinsa gidunggab sa wala hiilhing tawo, didto sa Canton Beach, barangay Cansojong, dakbayan sa Talisay sa miaging gabii.
Giila ang biktima nga si Francisco Pasignasigna, minyo, hingkod, molupyo duol sa maong dapit
Ang biktima kauban sa iyang igsoon nga si Charlie Pasignasigna nag-inom sa nahisgutang dapit pasado alas 11:00 sa gabii.
Mga pasado alas 2:15 nianang kadlawon gibiyaan ni Charlie ang iyang igsoon nga nag-inusara kay nangihi siya.
Apan sa iyang pagbalik nakurat nalang siya dihang nakita niya nga nagkadugo na ang biktima gumikan sa samad dinunggaban sa buko-buko niini.
Dali niyang gihatod ngadto sa Talisay District Hospital ang biktima diin kini ideklarar nga DOA. Padayon pang gihimo sa kapolisan ang imbestigasyon sa maong hitabo.
Si SPO1 Oliver Dacua, desk officer sa Talisay City Police, may katahap nga posibling gipareglahan ang maong biktima. (BANATNEWS)