CEBU, Philippines - Si Gob. Gwendolyn Garcia miangkon nga ang mga sakop sa board sa Mactan Cebu International Airport Authority (MCIAA) hayan dili modawat sa gi-endorsar ni Pres. Benigno Simeon Aquino III nga itudlong general manager si Cebu City Planning and Development Coordinator Engr. Paul Villarete.
Sumala pa ni Garcia nga iyang gihatagan og konsiderasyon ang endorsement ni Pres. Aquino apan wala kini magpasabot nga mao kini ang ilang tamdan sa pagpili kang Villarete nga mamahimong general manager sa MCIAA puli kang outgoing general manager Danilo Francia.
Ang gobernadora nagkanayon nga ang board buot nga makapili og labing haum sa puwesto. Ang board adunay laing mga aplikante nga gihashasan. (BANATNEWS)