CEBU, Philippines - Usa ka torch parade gikan sa habagatan, amihanan ug diha mismo sa reclamation area sa dakbayan sa Mandaue ang ilusad sa mga supporter alang sa miting de abanse diha sa Parkmall ni Mandaue City Mayor Jonas Cortes ingon man iyang lineup ug Liberal Party candidates karong gabii.
Si Roger Paler ang tigpamaba sa dakbayan nagkanayon nga tambungan usab kini ni kanhi chief justice Hilario Davide Jr.ug LP gubernatorial candidate Jun Davide ug running mate Bise Gob. Gregorio Sanchez.
Imbitado usab ang artistang igsuon ni LP standard bearer Benigno Noynoy Aquino nga si Kris apan wala pa makakuha og kumpirmasyon ang grupo kabahin sa pagtambong niini.
Gipaabot nga dugukon sa mga supporters ni Cortes ang maong dapit ilabi na niadtong mga nagtuo sa abilidad sa mayor pagdumala sa siyudad gumikan sa mga nahimo niini.
Human sa miting de abanse mopahigayon dayon og fireworks display sa maong lugar. – BANAT NEWS