CAV mosuporta sa kandidatura ni Palcuto

CEBU, Philippines - Nakakuha og kaalyado si vice mayoralty candidate Rico Palcuto nga mao ang Crusade Against Violence ni Thelma Chiong.

Matud pa ni Chiong ang CAV nagtinguha gyud sa kahapsay ug kalinaw sa atong nasud ilabi na dinhi sa lalawigan ug dakbayan sa Sugbu.

Sumala pa niini sa tanang nanagan pagka bise mayor sa dakbayan sa Sugbu, bugtong si Palcuto lamang ang nakita nilang sensiro sa iyang adbokasiya sa pagsulbad sa kriminalidad alang sa kahapsay ug kalinaw sa dakbayan.

Nakita usab sa CAV ang upat ka mga hiyas ni Palcuto sa pagserbisyo sa katawhan gumikan kay aduna kini commitment, dedication, pagsunod sa balaud ug ang kaisog ug eksperyensiya pakigbatok sa kriminalidad.

 Matud pa ni Palcuto, ang usa ka dakbayan nga luwas sa kriminalidad, dili layong duolon sa mga dumoduong ug kapitalista nga maoy makapalambo sa ekonomiya.

Samtang ang mga ginikanan makatulog na matag gabii ug dili na mabalakang ang ilang mga anak mabiktima sa mga badlungon. Numero unong gitumbok ni Palcuto ang panagbangi sa mga fraternities ug gangs.  – BANAT NEWS