CEBU, Philippines - Gipugngan sa Cebu Environment and Natural Resources Office ang P1 milyon nga kantidad sa tungog alang sa tuba nga miabot sa pantalan sa dakbayan niadtong Pebrero 15 niining tuiga. Ang maong tungog nga gikan sa panit sa mangrove gikan pa sa Zamboanga gikarga sa barkong MV Nicko Brian padulong dinhi ug gikatakda untang ibalhin sa laing barko padulong sa Tacloban,Ormoc apan ang tag-iya nga giingong usa ka Josue Lee gikatahong napakyas pagpakita og permit niini.
Si CENRO officer-in-charge Richard Abella mitug-an nga anaa na karon sa ilang buhatan ang maong kargamento ug gihikay pa ang seizure proceedings. Kalapasan sa Presidential Decree No. 705 kon Forestry Reform Code of the Philippines ang wala pagpakita og orihinal nga transport document alang sa mga tungog.
Gipaabot nalang ang endorsement sa hearing officer sa mga dokumento aron hingpit nang makumpiskar pabor sa gobiyerno. Sumala pang Abella gidili ang pagputol sa mangrove. (BANATNEWS)