^

Banat Balita

Kap 'nagsuyop' nasikop

- Ni Guam Logroño -

CEBU, Philippines - Usa ka kapitan sa usa ka barangay sa lungsod sa Medillen nabalhog karon sa prisohan sa Consolacion Police Station human madakpi sa Provincial Intelligence Branch (PIB) sa aktong pagsuyop og ginadiling drugas sa miaging adlaw sa barangay Ibabao, dakbayan sa Mandaue.

Ang nadakpan ug gipasakaan og kaso mao si Kapitan Marianito Yaun sa barangay Antipolo, lungsod sa Medillen. Apil sa gipasakaan ang iyang bayaw nga si Eldie Alboro Briones.

Si Supt. Rodulfo Albotra, hepe sa PIB, nagkanayon nga usa ka ‘concerned citizen’ ang nanawag kanila nga adunay mga armadong tawo nga sakay sa usa ka sakyanan sa lungsod sa Consolacion hinungdan nga sila si Insp. Rogelio Amoroso sa PIB daling misuta sa taho.

Sumala pa ni Supt. Albotra nga samtang nagpaingon ang iyang mga sakop sa PIB sa Consolacion ilang gikasugat pag-abot sa barangay Ibabao, Mandaue ang sakyanan nga Ford Explorer kolor abo nga nagtangag sa plakang FJR-808 nga misibo sa gihatag nga paghulagway sa caller.

Gisundan gilayon sa mga sakop sa PIB ang sakyanan ug sa dihang mihunong ang sakyanan, gikatahong giablihan ang pultahan niini. Sumala pa ni Supt. Albotra nga ilang nakit-an nga nagsuyop ang kapitan ug si Briones sulod sa sakyanan.

Ang mga sakop sa PIB daling misikop nila ni Kapitan Yaun ug Briones. Nakuhaan usab sila og usa ka medium size nga plastik nga adunay sulod nga gituohang shabu, tin foil, kagamitan sa pagsuyop ug lighter.

Sa gipahigayong ‘body search’ nakuhaan usab sa iyang posesyon si Kapitan Yaun og duha ka mga armas -- usa ka .38 kalibre nga rebolber ug usa ka kalibre .45 nga pistola nga dunay unom ka mga buhing bala.

Si Supt. Albotra mibutyag sa mga tigbalita nga dili permanente sa lugar si Kapitan Yaun sanglit kanunay na kini sa lungsod sa Consolacion ug sa dakbayan sa Sugbo. Wala hinuon makonpirmar sa Banat News ang giasoy ni Supt. Albotra nga naila na si Yaun sa iyang lugar nga tiggamitan og drugas.

Atol sa imbestigasyon, giasoy sa hepe sa PIB nga ang shabu niadto pang Martes sa gabii napalit sa kapitan nga nagkantidad og P2,500. Sumala pa ni Supt. Albotra nga nasayran usab nila sa imbestigasyon nga gitiwas na lang sa kapitan ug kauban niini sa pagsuyop ang maong shabu.

Dugang niini nga misugot unta ang kapitan nga magpa-drug test apan sa dihang ilang gidala sa PNP Crime Laboratory, mibalibad na kini hinungdan nga wala nila kini mapugos.

Gikataho nga ang maong kapitan naa pa kini sa iyang unang termino sa pag-serbisyo sa ilang barangay apan human magumon sa ginadiling drugas tagsa na lang kini makit-an didto sa ilang lugar sa Medillen.

Kasong paghupot sa ilegal nga drugas, paghupot sa mga kagamitan pagsuyop, ug ilegal nga paghupot og armas nga walay lisensiya gipasaka batok sa kapitan ug kauban niini. – BANAT NEWS

ALBOTRA BANAT NEWS CONSOLACION KAPITAN KAPITAN YAUN MEDILLEN SI SUPT SUMALA
  • Latest
  • Trending
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with