Norwegian gikawatan

CEBU, Philippines -  Mokabat ngadto sa P45 mil cash ang nakuha sa usa ka babayeng mubo og lupad gikan sa usa ka Norwegian sa dihang gisulod kini sa usa ka motel sa sitio Sangi, barangay Pajo dakbayan sa Lapulapu kagahapon sa kaadlawon.

Ang biktima mao si Ove Andreassen, 47, usa ka Norwegian national ug temporaryong nagpuyo sa Town Homes sa barangay Subabasbas dakbayan sa Lapulapu.

Sa imbestigasyon sa kapolisan sa Crime Against Property (TRS) nasuta nga ang langyaw mikuha og babaye ug gi-check in sa usa ka motel sa maong dapit ug sa pagsulod na niini sa ilang lawak unang naligo ang biktima.

Nakugang nalang ang maong langyaw nga sa paggawas niya wala na ang maong babaye ug sa pagsusi niya sa iyang pitaka nawagtang na ang iyang kwarta nga mobalor sa 45 mil ka pesos. – BANAT NEWS