CEBU, Philippines – Patay ang usa ka habal habal drayber human kini gigukod sa mga tawong nagsakay og motorsiklo ug gipusil makadaghang higayon samtang namasahero didto sa Das Hiring, Lutopan siyudad sa Toledo niadtong Domingo sa alas 8 sa gabii.
Ang namatay dihadiha human makaangkon og pito ka mga samad pinusilan sa kalawasan ug ulo mao si Rey Villamonte Pansacala, 35, minyo ug molupyo sa Das, Maseco Lutopan Toledo.
Matud ni PO1 Celso Maquidato sa Toledo City Police Station nga samtang ang biktima nagsakay sa iyang motorsiklo paingon sa bukirang bahin sa maong lugar gisundan kini sa nag-motor ug pag-abot sa maong lugar mikalit kini sa pag-overtake ug ang angkas maoy mibunot sa iyang armas dayong pusil sa dili muminos walo ka higayon sa biktima. - Darrel Carumba (BANAT NEWS)