BID-7 may Asst. Director

CEBU, Philippines – Sa unang higayon ang Bureau of Immigration and Deportation (BID-7) gidestinohan na og Assistant Regional Director dinhi sa Sugbu nga mao si Cesar Cloma ang Senior Immigration Officer sa BID-7.

 Pagkadawat gyud ni Cloma sa mando pinaagi sa Personnel Order No.2009-954 nga gipirmahan ni BID Commissioner Marcelino Libanan, naglumpayat kini sa hilabihang kalipay.

Matud pa niya nga katabangan na niya sa mga gimbuhaton si Regional Director Casimiro Madarang III uban sa iyang pasalig nga andam siya magpalawom sa kamandoan sa iyang labaw nga opisyal.

Apan sa gihapon magpabilin si Cloma sa iyang katungdanan sa Mactan Cebu International Airport (MCIA) isip immigration supervisor.

Samtang si Madarang nalipay kaayo ug nangindahay siya nga mahimo untang lig-ong kaabag si Cloma . - Bong Soriano (BANAT NEWS)