May pagtugot gikan sa buhatan ni Commissioner Resurreccion Borra, Commissioner-In-Charge sa Central Visayas, ang pagdala sa kwestiyonableng election returns sa lungsod sa Bogo sa Manila.
Kini ang tubag sa buhatan ni Borra sa pakisusi nga gihimo ni Kong. Clavel Asas-Martinez human gidala sa municipal board of canvassers ang 15 ka election returns ngadto sa Manila niadtong Mayo 24 sa gabii.
Tuyo sa pagdala sa maong mga election returns sa Manila mao ang pagsusi sa katinuod sa papel sa election returns nga gikwestiyon sa kampo ni Benhur Salimbangon, kandidato sa pagka-kongresista atbang sa anak ni Martinez nga si Bogo Mayor Celestino “Tining” Martinez.
“Hence, this is the Board’s decision and it is confirmed,” nagkanayun ang suwat ni Borra ngadto kang Kong. Martinez.
Gani ang kopya sa maong suwat nga gipetsahan og Mayo 24, 2007 lakip sa giduso sa MBC nga gipanguluhan ni Atty. Eddie Aba sa ilang tubag sa Resolusyon sa Comelec second division nga nagpa-esplikar kanila kon nganong gidala sa Manila ang mga election returns nga walay pagtugot gikan sa Commission en banc o kaha sa Commissioner-In-Charge Region VII.
“In view of the foregoing, the Aba Board humbly recommends for the determination of the genuineness and authenticity of the subject election returns with surgical precision, the final sole issue that the Honorable Second Division has to deal with,” nagkanayun ang tubag ni Aba ug kaubanan.