Gibutyag kagahapon ni Kongresista Eduardo Gullas nga niadtong kataposang pagbisita ni Arroyo dinhi sa Sugbu misaad kini kaniya nga mohatag og certification pabor sa iyang gidusong bill pagkahimong siyudad sa lungsod sa Naga.
Ang House Bill numero 6041 iduso na kini karong Hunyo kwatro para sa ikaduhang pagbasa sa senado.
Matud ni Gullas nga sila si Senate President Manny Villar ug Senador Alfredo Lim, tsirman sa committee on local government ang mosuporta sa ikaduhang pagbasa sa nahisgutang bill.
Ang kongresista nagkanayon nga kung maaprobahan sa ikaduhang pagbasa ang house bill makahatag kini niya og dugang kusog lakip na sa gipaabot nga certification nga luwatan unya sa presidente ug gituohang pinaagi niini maaprobahan usab dayon ang bill sa ikatulong pagbasa.
Si Gullas mitataw nga ang Naga usa sa 23 ka munisipalidad nga exempted sa Akta Republika 9009 kung Amendatory Bill.
Ang nahisgutang Amendatory Bill nag-usab sa rekisitos sa pagkahimong dakbayan sa usa ka munisipalidad.