Kanhi mayor ug ingon man negosyante ang makig-atbang kang Chiong

Si Mayor Valdemar Chiong sa lungsod sa Naga nanghinaot nga magpabilin siya isip mayor sa lungsod.

Gikataho nga adunay duha ang mokandidato isip mayor sa lungsod batok ni Chiong karong umaabot nga eleksiyon sa Mayo.

Kahinumduman nga si Chiong manghud sa kanhi mayor sa lungsod nga si Ferdinand Chiong kinsa mitaliwan tungod sa sakit nga cancer.

Gikataho usab nga si kanhi mayor Paulino Ong ug Esperedion Cañoneo Jr. ang mga lig-ong kandidato nga moatbang ni Chiong karong umaabot nga piniliay.

Matud ni Chiong nga lig-on ug angayan usab nga modagan isip Mayor sa lungsod si Ong ug Cañoneo kinsa maoy nanag-iya sa Cañoneo bus line.

Kahinumduman nga si Ong kinsa nahimo usab nga mayor sa Naga napildi ni kanhi Mayor Ferdinand sa mga milabay'ng piniliay.

Sa milabay'ng buwan si Kongresista Eduardo Gullas mideklara sa line-up sa administrasyon nga partido Alayon kinsa si Chiong maoy nangulo niini ug si incumbent Bise Mayor Delfin Señora maoy iyang running mate.

Lakip sa maong partido sila si incumbent councilor Dominga Millena, Dolorita "Lulu" Nietez, Boy Chiong ug Porferio "Boy" Resaba Jr. ug sila si Elmer Lapitan, Boy Alinsunurin, Nina Navarro ug Letty Abangan kinsa mokandidto isip konsehal sa lungsod.