Si P03 Cerilo Lagumbay miila sa napusilan nga mao si Roland Medalle, 38, minyo, walay trabaho ug ang nakapusil mao si P01 Rubenciano Sunsona Inot nga pulos lumolupyo sa maong dapit.
Matud pa ni P03 Lagumbay nga si Medalle kinsa may pending nga warrant of arrest sa korte dugay na nga nahanaw sa maong dapit.
Nagtuo si P03 Lagumbay nga mipauli sa ilang panimalay sa Mactan si Medalle alang sa paghiusa sa kasaulogan sa tinuig nga pangilin sa iyang pamilya.
Nagsakay og traysikad si Medalle sa dihang nalabyan si P01 Inot niibot kini sa armas nga kalibre .38 ug giunhan pagpusil ang polis apan suwerte lang kay igo lang mihagtik ang rebolber ug wala makabuto.
Nakamatikod si P01 Inot kinsa dali nga miibot sa armas ug gipusil duha ka higayon si Medalle ug naigo sa dughan ug abaga.
Si SP03 Bonifacio Sumalinog kinsa dali usab nga nakatubag sa maong alarma maoy nagdala kang Medalle sa Mactan Community Hospital.