Solon, Cortez ipa-contemp ni Emphasis

Nagtinguha si Director Elberto Emphasis sa Philippine Reclamation Authority nga mosang-at og contempt charges batok sa duha ka blocktimers nga si Rey Cortes ug Bingbong Solon kinsa bag-ohay lang niya gipadakop sa National Bureau of Investigation.

Kini gumikan sa pagsige og luwat og pamahayag nilang Cortes ug Solon may kalambigitan sa ilang giatubang nga kasong grave threats.

Matud pa ni Emphasis nga subjudice ang gihimo nilang Cortes ug Solon gumikan kay anaa na sa korte ang ilang kaso.

Sila si Cortes ug Solon gipadakop ni Emphasis sa usa ka entrapment operation sa NBI sa niaging semana gumikan sa ilang pagpangilkil og P20,000 bugti sa paghunong sa pag-atake sa kahanginan.

Apan matud pa sa duha nga harassment ang gihimo ni Emphasis sanglit.

Gani nagtinguha ang duha nga mopasaka og kasong bribery batok kang Emphasis ug ila usab hangyoon ang buhatan sa Ombudsman-Visayas sa pagpaubos sa lifestyle check kang Emphasis.

Kini gumikan sa giingong mga luhong sakyanan nga gigamit ni Emphasis ug sa giingong extravagant nga paggasto sa salapi sa iyang pagka opisyal sa gobyerno.

Nagtinguha usab ang duha ka blocktimers nga mokwestiyon sa paggamit ni Emphasis sa Kapihan ni Ate Glo nga titulo sa iyang programa sa radyo DYLA kon may pagtugot ba kini sa Malacañan.

Si Emphasis nga nahinabi sa DYLA nagkanayun nga mangonsulta pa siya sa iyang abogado ug dili pa usab siya motubag sa mga pamahayag nilang Cortes ug Solon.