Kini human niluwat og kamandoan si Justice Secretary Raul Gonzales nga ilakip si Yap sa watchlist sa Bureau of Immigration.
Ang kamandoan ni Gonzales maoy tubag sa hangyo sa MCIAA Board nga ilakip sa watchlist si Yap gumikan sa ka daghan kaso nga giatubang niini sa buhatan sa Ombudsman-Visayas.
Ang kamandoan gipadangat ni Gonzales ngadto kang BI Commissioner Alipio Fernandez samtang gipadalhan usab og kopya si Capt. Romeo Bersonda, ang kasamtangang general manager sa MCIAA.
Apan si Bersonda gihulipan na ni Gen. Danilo Francia human kini ang giendosar ni Presidente Gloria Macapagal Arroyo.
Si Yap gipalagpot sa MCIAA Board sa iyang katungdanan human nabulgar ang giingong mga anomalosong transaksiyon sa tugpahanan sa Mactan ubos sa iyang administrasyon.